Կատարում ընթացող ֆուտբոլի աշխարհի առաջնությունում ավարտվեց խմբային փուլը։
H խմբից 1/8 եզրափակիչի ուղեգիր նվաճած Պորտուգալիայի հավաքականից բացի փլեյ-օֆֆ դուրս եկավ նաև Հարավային Կորեայի հավաքականը:
Խմբային փուլի վերջին՝ երրորդ տուրում Հարավային Կորեայի հավաքականը մրցեց պորտուգալացիների հետ և հաղթեց 2-1 հաշվով։
Խմբի մյուս խաղում՝ Ուրուգվայի հավաքականը 2-0 հաշվով հաղթեց Գանային, սակայն դա բավարար չեղավ խմբից դուրս գալու համար։
Պորտուգալիայի հավաքականը 6 միավորով H խմբում զբաղեցրեց առաջին տեղը, իսկ Հարավային Կորեայի թիմը 4 միավորով երկրորդն է։ Նույնքան միավորով երրորդ տեղը զբաղեցրած Ուրուգվայը և 3 միավոր վաստակած Գանայի հավաքականներն ավարտեցին ելույթները ԱԱ-2022-ում:
Պորտուգալիայի հավաքականը 1/8 եզրափակիչում կմրցի Շվեյցարիայի հետ։ Իսկ Հարավային Կորեան ուժերը կչափի Բրազիլիայի հետ։
G խմբից Սերբիայի և Կամերունի հավաքականները չեն շարունակի պայքարը։
Այսպիսով հայտնի են փլեյ-օֆֆի զույգերը՝
Նիդերլանդներ-ԱՄՆ
Արգենտինա-Ավստրալիա
Ճապոնիա-Խորվաթիա
Բրազիլիա-Հարավային Կորեա
Անգլիա-Սենեգալ
Ֆրանսիա-Լեհաստան
Մարոկկո-Իսպանիա
Պորտուգալիա-Շվեյցարիա
