Կատարում ընթացող աշխարհի առաջնության D խմբում ավարտվեց պայքարը: Այս խմբից աշխարհի գործող չեմպիոն Ֆրանսիայի հավաքականի հետ 1/8 եզրափակիչ դուրս եկավ նաև Ավստրալիան:
Վերջին՝ երրորդ տուրում Ավստրալիայի հավաքականը 1-0 հաշվով հաղթեց Դանիային, Թունիսը նույն հաշվով առավելության հասավ ֆրանսիացիների նկատմամբ:
Այսպիսով, Ֆրանսիան առաջին տեղը զբաղեցրեց D խմբում և դեկտեմբերի 4-ին 1/8 եզրափակիչում կմրցի C խմբում երկրորդ տեղը զբաղեցրած Լեհաստանի հավաքականի հետ, որը վերջին տուրում պարտվեց Արգենտինայի հավաքականին։
D խմբում երկրորդ տեղը զբաղեցրեց Ավստրալիան, որը դեկտեմբերի 3-ին 1/8 եզրափակիչում կմրցի C խմբում առաջին տեղը զբաղեցրած Արգենտինայի հետ։
C խմբից Թունիսը և Դանիան, իսկ D խմբից՝ Մեքսիկան և Սաուդյան Արաբիան ավարտեցին ելույթները Կատար-2022-ում։
