Հանդիպում գրքասերների հետ
Հոկտեմբերի 29-ին Մամուլի շենքում տեղի ունեցավ գրքասերների հետ հանդիպում, որով սկիզբ դրվեց «Գրքասերների բաց ակումբ» նախաձեռնությանը։
Նախաձեռնության կազմակերպիչը«Գրքասեր» ՀԿ֊ն է։ Նպատակն է հայերեն գրականությունը հասանելի ու մատչելի դարձնել բոլորին։
ՀԿ կամավորության սկզբունքով աշխատակից Արևիկ Հարությունյանը նշեց.
«Այս կայքը grqaser. org֊-ը, հայերեն աուդիոգրքերի կայք է, որը ձայնագրում է այն գրքերը, որոնք հայկական են, կամ թարգմանվել են հայերեն և որոնց հեղինակները մահացել են 70 տարի առաջ, իսկ գիրքը տպագրվել է մինչև 1991թ.-ը։
Հանդիպման նպատակն է հասկանալ, թե ի՞նչ խնդիրներ ունենք, ի՞նչ ֆորմատով շարունակել կայքի գործունեությունը, ի՞նչ կարիքներ ունենք և ի՞նչ է մեզ պետք։ Հետագայում սպասվում են նաև շնորհանդեսներ և ամենամսյա հավաքույթներ նվիրված որևէ գրքի քննարկմանը»։
Հանդիպմանը ներկա էին «Գրքասեր» ՀԿ նախագահ Տիգրան Ազիզբեկյանը, հկ կամավորներ Վարդուհի Բարսեղյանը , Արևիկ Հարությունյանը,Դավիթ Սիրունյանը, ձայնագրող, մոնտաժող Գոռ Հակոբյանը, դերասան, ընթերցող Հայկ Պետրոսյանը և ընթերցող Նարեկ Բաղդասարյանը։
Անուշ Հայրիյան
ՀՊՄՀ Լրագրություն, 2֊րդ կուրս
