Կողմերը ունենան առաջխաղացում։ Այս մասին հանդիպումից հետո ասուլիսին հայտարարել է Եվրոպական խորհրդի նախագահ Շառլ Միշելը։
Ըստ նրա՝ եռակողմ հանդիպման ժամանակ քննարկվել են բոլոր կարևոր խնդիրները։
«Մեր հաջորդ քայլը լինելու է սահմանների դելիմիտացիան, որ սահմանված է 1991թ–ի Ալմա Աթայի հռչակագրով», – նշել է Միշելը։
Նա հայտնել է , որ հանդիպման ընթացքում Հայաստանի և Ադրբեջանի ղեկավարները պատրաստակամություն են հայտնել տարածաշրջանում համապարփակ և տևական խաղաղության հաստատել։
Շառլ Միշելը հայտնել է նաև, որ Եվրամիությունը հավատարիմ է Հայաստանին և Ադրբեջանին օգնություն ցուցաբերելու գործին ՝ հարաբերությունների համապարփակ կարգավորման հասնելու համար։
Միշելի հավաստմամբ՝ հակամարտող կողմերն առաջընթաց են գրանցել նաև համապարփակ խաղաղության հաստատման հարցում։ Եվրոպական խորհրդի նախագահը, սակայն, «առաջընթացից» մանրամասներ չի հայտնում։
Շառլ Միշելը տեղեկացրել է, որ հուլիսին Բրյուսելում նախատեսված է Հայաստանի և Ադրբեջանի ղեկավարներ Նիկոլ Փաշինյանի և Իլհամ Ալիևի հետ հաջորդ հանդիպումը։