ԱՄՆ ՊՆ մամուլի քարտուղարի տեղակալ Սաբրինա Սինգհը հայտարարել է, որ սպասվում է մոտ 9000 ամերիկացի զինծառայողի մասնակցություն «Defender 23» զորավարժություններին, որոնք կմեկնարկեն ապրիլի 22-ին։
«Կմասնակցեն մոտավորապես 9 000 ամերիկացի զինվորական և մոտ 17 000 զինծառայող 26 դաշնակից և գործընկեր երկրներից, իսկ զորավարժությունների մի մասը կանցկացվի եվրոպական 10 տարբեր երկրներում», – ասել է Սինգհը:
Ըստ պենտագոնի՝ բացի ԱՄՆ զորքերից, զորավարժություններին կմասնակցեն զինվորականներ Ալբանիայից, Հայաստանից, Բոսնիա և Հերցեգովինայից, Բուլղարիայից, Խորվաթիայից, Չեխիայից, Դանիայից, Էստոնիայից, Ֆրանսիայից, Վրաստանից, Գերմանիայից, Հունաստանից, Հունգարիայից, Իտալիայից, Կոսովոյից, Մոլդովայից, Չեռնոգորիայից, Նիդեռլանդներից, Հյուսիսային Մակեդոնիայից։
Միևնույն ժամանակ, «Defender 23-ին»-ին կմասնակցեն Լեհաստանը, Ռումինիան, Սլովենիան, Իսպանիան, Շվեդիան և Միացյալ Թագավորությունը:
