Անդրադառնալով հա-թուրքական հարաբերություններին ԱԺ փոխնախագահ Հակոբ Արշակյանն այսօր հայտարարել է, որ Հայաստանի և Թուրքիայի միջև հարաբերությունների հաստատումը բխում է Հայաստանի Հանրապետության և հայ ժողովրդի շահերից։
«Ինչպես գիտեք, անկախության հաստատումից ի վեր և այն ժամանակ, երբ Թուրքիան որոշակի սահմանափակումներ է կիրառել և սահմանները փակել է Հայաստանի նկատմամբ, Հայաստանի կողմից դիրքորոշումը միշտ եղել է այնպիսին, որ մենք կողմ ենք առանց նախապայմանների հարաբերությունների հաստատմանը և սահմանների բացմանը։ Այդ տրամաբանությունը չի փոխվել, Հայաստանի կառավարությունն այժմ էլ հանդես է գալիս այդ դիրքերից, և մենք առանց նախապայմանների կողմ ենք, որպեսզի սահմանները բացվեն և հարաբերություններն օր առաջ կարգավորվեն։ Դա բխում է Հայաստանի Հանրապետության և հայ ժողովրդի շահերից»,- ասաց նա։
