Ազգային ժողովը քննարկում է ԱԺ նախագահի ընտրության հարցը։ ԱԺ նախագահն ընտրվելու է գաղտնի քվեարկությամբ։ ԱԺ նախագահի մեկական թեկնածու առաջադրելու իրավունք ունենք խորհրդարանում ներակայացված խմբակցությունները։
«Իմ քայլը» խմբակցության ղեկավար Հայկ Կոնջորյանը հայտարարեց, որ խորհրդարանական մեծամասնությունը ԱԺ նախագահի թեկնածու է առաջադրում Ալեն Սիմոնյանին։
«Հայաստան» խմբակցության անունից Սեյրան Օհանյանն ասաց, որ ԱԺ նախագահի թեկնածու են առաջադրում Մխիթար Զաքարյանին։
«Պատիվ ունեմ» խմբակցության ղեկավար Արթուր Վանեցյանն էլ նշեց, որ իրենց խմբակցության կողմից ԱԺ նախագահի պաշտոնին է ներկայացվում «Հայաստան» խմբակցության պատգամավոր Արթուր Սարգսյանի թեկնածությունը։