Բելառուսի անվտանգության խորհրդի պետքարտուղարի առաջին տեղակալ Պավել Մուրավեյկոն հայտարարել է, որ սեպտեմբերին Բելառուսի տարածքում կանցկացվեն ՀԱՊԿ 2023 թվականին նախատեսված չորս զորավարժություններից երեքը։
Նա շեշտել է, որ իրավիճակը ՀԱՊԿ-ի պատասխանատվության գոտում «բավականին բարդ է և հակասական»։
2023 թվականին ՀԱՊԿ-ում Բելառուսի նախագահության ժամանակ երկրում տեղի կունենա Եվրասիական անվտանգության միջազգային համաժողով, ակնկալվում է արտգործնախարարների, պաշտպանության նախարարների, Անվտանգության խորհրդի քարտուղարների մակարդակով լայն երկխոսություն ՀԱՊԿ-Չինաստան թեմայով:
Նա հաստատել է նաև ավելի վաղ ծրագրված տարածքային պաշտպանության զորավարժությունների անցկացումը 2023 թվականի առաջին եռամսյակում։
Հիշեցնենք՝ հունվարի 10-ին Նիկոլ Փաշինյանն իր ասուլիսում հայտարարել էր, որ Երևանը մերժել է ՀԱՊԿ-ի խաղաղապահ զորախմբերի համատեղ զորավարժությունների անցկացումը Հայաստանում, քանի որ Հայաստանը ստեղծված իրավիճակում նպատակահարմար չի համարել զորավարժության անցկացումը:
