Ֆուտբոլի Իտալիայի Սուպերգավաթակիր երկրորդ տարին անընդմեջ դարձավ Միլանի «Ինտեր»-ը:
Սաուդյան Արաբիայի մայրաքաղաք Էր-Ռիադի «King Fahd» մարզադաշտում կայացած խաղում միմյանց դեմ մրցեցին Միլանի երկու թիմերը` «Միլան»-ը և «Ինտեր»-ը: Միլանյան դերբիում ավելի ուժեղ գտնվեցին «Ինտեր»-ի ֆուտբոլիստները, որոնք հաղթեցին մրցակցին 3։0 հաշվով։
Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում էր և մասնակցեց ամբողջ խաղին:
«Ինտեր»-ին հաջողվեց երկրորդ տարին անընդմեջ դառնալ Իտալիայի Սուպերգավաթակիր` ընդհանուր առմամբ 7-րդ անգամ նվաճելով այս տիտղոսը:
