Սևանա լճում ու նրա ջրահավաք ավազանում ձկան ու խեցգետնի պաշարների հաշվառման համար 2022-ին պետական բյուջեից կհատկացվի 7.5 մլն դրամ: Այս մասին ԱԺ մշտական հանձնաժողովների համատեղ նիստում 2022-ի պետբյուջեի նախագծի քննարկման ժամանակ տեղեկարցել է ՀՀ շրջակա միջավայրի նախարար Ռոմանոս Պետրոսյանը:
«Սևանա լճում ու նրա ջրահավաք ավազանում ձկան ու խեցգետնի պաշարների հաշվառման միջոցառման համար նախատեսված գումարը կազմում է 7.5 մլն դրամ: Սևանա լճի ջրածածկ անտառտնկարկների մաքրմանն ուղղված միջոցառման համար՝ 118 մլն 163 հազար դրամ ընդհանուր գումարով»,- ասաց Պետրոսյանը:
2022 թվականին նախատեսվում է իրականացնել 155 հա ջրածածկ ու ջրածածկման ենթակա տարածքի մաքրում՝ Սևան ազգային պարկի, Մարտունու ու Նորատուսի տեղամասերում: