Օրերս Հայաստանի գրողների միությունում տեղի ունեցավ բանաստեղծ արձակագիր Արմեն Մարտիրոսյանի 80 ամյակին նվիրված հոբելյանական հուշ-ցերեկույթը։
Արմեն Մարտիրոսյանը իր շուրջ մեկ տասնյակ գրքերով, մասնավորապես «Բանաստեղծություններ», «Թռչուններ», «Շարակնոց», «Սիրո Շղթա», «Ներաշխարհի լռություն» բանաստեղծական ժողովածուներով և «Մազե կամուրջ» եռահատոր վիպերգությամբ արդեն գտել էր իր տեղն ու դերը հայ գրականության մեջ։
Բանաստեղծի հետաքրքրությունների սահմանները տարբեր են. նրան հուզում են պատմական անցյալի մեր մատենագիրներն ու միջնադարյան բանաստեղծները, նոր և նորագույն շրջանի գրողները, հասարակական քաղաքական կյանքում տեղ գտած հրատապ հարցերը։ Ներկայացնում է իր սերնդակիցներին, որոնք դառնում են ինքնատիպ ու հետաքրքիր հուշ-դիմանկարներ ։ Բոլոր հոդվածներում գրողը հավատարիմ է մնում Մարտիրոսյանական գրելաձևին ` խուսափելով գրականագիտական ընդունված և միատեսակ վերլուծություններից։
ՀԳՄ նախագահ Էդվարդ Միլիտոնյանը նշեց . «60-80-ական թվականներին անհնար էր պատկերացնել առանց Արմեն Մարտիրոսյանի։ Նա իր ուրույն հետքն է թողել հայ գրականության մեջ»։
Ցերեկույթին մասնակցում էին գրողների միության անդամները , ինչպես նաև նրա հարազատները։ Նրանք իրենց սրտի խոսքն էին հայտնում և վերհիշում էին զավեշտալի պատմություններ ու դեպքեր կապված Արմեն Մարտիրոսյանի հետ ։
Ներկա էր նաև Գաբրիել Սունդուկյանի անվան ազգային ակադեմիական թատրոնի դերասան , ՀԳՄ «Պոեզիայի և ասմունքի թատրոնի» ղեկավար՝ Սամվել Բաղինյանը ։
Նա իր խոսքում նշեց . «Մինչև տարեվերջ «Պոեզիայի և ասմունքի թատրոնը» անդրադառնալու է մեր շատ սիրելի բանաստեղծ Արմեն Մարտիրոսյանի 80 ամյակին ։ Ինչպես նաև լինելու են ԵՊՀ – ում , քանի որ ունենք մեծ փորձ և ավանդույթ ժամանակակից պոետներին ներկայացնելու»։
ՀՊՄՀ -ի ուսանող – լրագրող Մանե Տիգրանյան
