Մոսկվայում մեկնարկել է Հայաստանի, Ադրբեջանի և Ռուսաստանի արտաքին գործերի նախարարների եռակողմ հանդիպումը։
Հանդիպման բացման խոսքում ՌԴ ԱԳ նախարար Սերգեյ Լավրովը նշել է.
«Եռակողմ կոնսուլտացիաների նպատակը Բաքվի և Երևանի հարաբերությունների կարգավորումն է եռակողմ հայտարարությունների կատարման ծիրում։ Այս ընթացքում նոր, ոչ պակաս կարևոր թեմաներ են առաջ եկել, և հույս ունենք, որ հանդիպումը կանցնի կառուցողական մթնոլորտում, և ձեր ուղիղ երկխոսությունը հնարավորություն կտա հասնել հավելյալ արդյունքների։ Կարծում ենք, որ մեր ղեկավարների պայմանավորվածություններին այլընտանք չկա։ Ռուսաստանն ուղիղ հետաքրքրություններ ունի տարածաշրջանում, և հուսով ենք որ Հարավային Կովկասում կայունություն ու խաղաղություն կլինի»
Հիշեցնենք, որ մինչ այդ ՌԴ ԱԳ նախարար Սերգեյ Լավրովը երկկողմ հանդիպումներ է ունեցել Ադրբեջանի ու Հայաստանի ԱԳ նախարարներ Ջեյհուն Բայրամովի և Արարատ Միրզոյանի հետ։