ՀՀ հատուկ հանձնարարություններով դեսպան Էդմոն Մարուքյանը «թվիթերի» իր միկրոբլոգում գրել է. «Ադրբեջանը կրակ է բացել Հայաստանի ինքնիշխան տարածքում ամերիկահայ ներդրումների հաշվին կառուցվող գործարանի մեքենաների և ենթակառուցվածքների վրա։
Ինտենսիվ կրակը շարունակվել է երեք ժամ։ Մարուքյանը դա որակել է աղաղակող պահվածք, որը հակասում է խաղաղ գործընթացի ուղղությամբ բոլոր ջանքերին։
Ուժ չկիրառելու կամ նույնիսկ սպառնալու բոլոր պարտավորությունների կոպտագույն խախտում է: Մենք խստորեն դատապարտում ենք այս սադրիչ պահվածքը և կոչ ենք անում մեր միջազգային գործընկերներին գործողություններ ձեռնարկել Ադրբեջանի դեմ՝ ներառյալ պատժամիջոցները և ուղղակի կոչերը՝ զերծ մնալու նման ապակառուցողական մոտեցումից»։
Մարուքյանի խոսքով, միջազգային հանրության լռությունը կամ Ադրբեջանի դեմ հասցեական պատժիչ միջոցների բացակայությունը կարող են հանգեցնել ժողովրդավարական Հայաստանի դեմ նոր ագրեսիայի։