Մոսկվայի կողմից միջուկային զենքի հնարավոր կիրառման սպառնալիքների ֆոնին ԱՄՆ նախագահ Ջո Բայդենը նախազգուշացրել է աշխարհի վերջի վտանգի մասին։ Նրա խոսքով՝ միջուկային ապոկալիպսիսի վտանգն այժմ ամենաբարձր մակարդակի վրա է 1962 թվականի «կարիբյան» ճգնաժամից ի վեր:
«Կուբայի հրթիռային ճգնաժամի ժամանակներից ի վեր առաջին անգամ մենք միջուկային զենքի կիրառման ուղղակի սպառնալիք ունենք, եթե ամեն ինչ շարունակվի նույն ոգով»,- հայտարարել է Բայդենը:
Բայդենի կարծիքով՝ Պուտինը չի կատակում, երբ խոսում է մարտավարական միջուկային զենքի, կենսաբանական կամ քիմիական զենքի հնարավոր կիրառման մասին, քանի որ նրա զինված ուժերը, կարելի է ասել, զգալիորեն հետ են մնում:
Բայդենը նշել է, որ Վաշինգտոնում դիվանագիտական ելք են փնտրում։
«Մենք փորձում ենք հասկանալ, թե ինչ ելք է պետք Պուտինի համար։ Որտեղ նա կարող է հայտնվել այնպիսի իրավիճակում, որ ոչ միայն չկորցնի դեմքը, այլև չկորցնի Ռուսաստանի զգալի իշխանությունը», -ասել է Սպիտակ տան ղեկավարը
