Աշխարհը 2030 թվականին բախվելու է ջրի համաշխարհային, 40 տոկոսի չափով պակասուրդի, հայտարարել է ՅՈՒՆԵՍԿՕ-ի գլխավոր տնօրեն Օդրե Ազուլեն:
Ջրի պակասի հետ կապված իրավիճակը կսրվի այլ գլոբալ խնդիրներով, այդ թվում` համավարակի հետևանքներով:
«Աշխարհն անբավարար ջանքեր է գործադրում ջրային ռեսուրսները խնայելու համար: Այն մեր ամենաթանկ ռեսուրսն է՝ կապույտ ոսկին, որին ավելի քան 2 միլիարդ մարդ ուղղակի հասանելիություն չունի: Ջուրը ոչ միայն անհրաժեշտ է գոյատևման համար, այլև սանիտարական, սոցիալական և մշակութային դեր է խաղում մարդկային հասարակություններում», – ասել է նա: