Լաչինի միջանցքի փակումը նոյեմբերի 9-ի հայտարարության կոպտագույն խախտում է։ Այս մասին Ազգային ժողովում հայտարարել է ՀՀ ԱԳ նախարար Արարատ Միրզոյանը։
«Ռուս խաղաղապահ զորախմբի հետ բանակցություններում հարցը արագորեն հարթվել է և ընդհանրապես, կարծում եմ, կողմերը կարող են իրար նկատմամբ դժգոհություններ կամ առաջարկներ ներկայացնել միայն այն պայմանավորվածությունների շրջանակներում, որոնք ձեռքբերված են, արձանագրված են, ընդունված են բոլոր կողմերի կողմից և հանրահռչակված են»,- ասաց նախարարը։
Ըստ Արարատ Միրզոյանի՝ իրավիճակը փխրուն է, հարցերը կարգավորված չեն և նոր պահանջների ներկայացումը կարող է ուղղված լինել իրավիճակի միայն սրացմանը, միտումնավոր, թե ոչ միտումնավոր, սա արդեն մեկնաբանությունների հարց է։