Կիևի շրջանի Բրովարի քաղաքում ուղղաթիռի կործանման հետևանքով մահացել են Ուկրաինայի ՆԳՆ ղեկավարությունը՝ նախարար Դենիս Մոնաստիրսկին և նրա տեղակալ Եվգենի Էնինը։ Այս մասին ֆեյսբուքյան իր էջում հայտնել է ազգային ոստիկանության պետ Իգոր Կլիմենկոն։
«Ընդհանուր առմամբ, այժմ հայտնի է 16 մահացածների մասին, այդ թվում՝ 2 երեխա»,- գրել է նա։
Ավելի ուշ Ուկրաինայի ՆԳՆ-ն հայտնել է, որ զոհերի թիվը հասել է 18-ի, այդ թվում՝ երեք երեխա։ Միաժամանակ Կիևի շրջանի ղեկավար Օլեքսի Կուլեբան հայտնում է 17 զոհի մասին, այդ թվում՝ երկու երեխա։
Ուղղաթիռը կործանվել է Բրովարիում բնակելի շենքի և մանկապարտեզի մոտ. Արդյունքում պայթյուն է տեղի ունեցել և հրդեհ է բռնկվել։ Մանկապարտեզի երեխաներն ու ուսուցիչները տարհանվել են։ Կլիմենկոյի խոսքով՝ ուղղաթիռը պատկանել է Ուկրաինայի արտակարգ իրավիճակների պետական ծառայությանը։