«Նապոլին» հայտարարել է «Սամպդորիայի» աջ պաշտպան Բարտոշ Բերեշինսկու տեղափոխության մասին:
Նեապոլիտանական ակումբը 30-ամյա լեհ ֆուտբոլիստին վարձակալել է մինչև ընթացիկ մրցաշրջանի ավարտը՝ ամբողջական տրանսֆերը գնելու հնարավորությամբ։
«Նապոլիում» արդեն խաղում են երկու լեհ ֆուտբոլիստներ՝ դարպասապահ Հուբերտ Իդասիակը և կիսապաշտպան Պյոտր Զելինսկին։
2022/23 մրցաշրջանում Բերեշինսկին մասնակցել է Ա Սերիայի 15 հանդիպման և մեկ խաղ անցկացրել Իտալիայի գավաթում։
Թիմի նորեկը Լեհաստանի հավաքականի կազմում 50 հանդիպում է անցկացրել, նաև մասնակցել է Կատարում կայացած Աշխարհի առաջնությանը: