44-օրյա պատերազմում զոհվել է Արցախի հանրապետության 742 զինծառայող, Արցախի քաղաքացիություն ունեցող 45 զինծառայող մինչ օրս համարվում է անհետ կորած։ Սպանվել է 80 քաղաքացիական անձ, որոնցից 42-ը թիրախային հարվածերի հետևանքով։ Գերեվարման մեջ է 38 անձ։ Այս մասին Ազգային ժողովում հայտարարել է Արցախի մշտական ներկայացուցիչ Սերգեյ Ղազարյանը։
Պատերազմի հետևանքով հակառակորդին է անցել Արցախի Հանրապետության 192 բնակավայր, որոնցից 185 գյուղ, 7 քաղաք։
Պատերազմի հետևանքով մեծ վնասներ են կրել նաև Արցախի ենթակառուցվածքները, մասնավորապես, 36 գործող ՀԷԿ-երից մնացել են ընդամենը 6-ը։ Լուրջ խնդիրներ կան հեռահաղորդակցության ոլորտում։ Տուժել են 1226 տնտեսվարող սուբյեկտներ, որոնք գործունեություն էին իրականացնում Արդբեջանի կողմից օկուպացված տարածքներում։ Վտանգված է Ադրբեջանի ենթակայության տակ անցած ավելի քան 2000 պատմամշակութային հուշարձանի ճակատագիրը։
