Հայաստանում կորոնավիրուսի հետ կապված փոքր կայունացում է նկատվում: Այս մասին կառավարության նիստում հայտարարել է վարչապետ Նիկոլ Փաշինյանը:
«Ամենօրյա թվերի մի փոքր նվազում ունենք։ Կոչ եմ անում, խնդրում եմ, հորդորում պահպանել հակահամաճարակային կանոնները՝ դիմակ դնել և պատվաստվել։ Սեփական օրինակով եմ համոզվել, որ պատվաստումը միակ միջոցն է, որը մեզ կօգնի հաղթահարել կորոնավիրուսի համավարակը և խուսափել մահերից»,–ասաց վարչապետը։
Նիկոլ Փաշինյանը նաեւ տեղեկացրեց, որ պատվաստանյութի երկրորդ չափաբաժինը ստացածների թիվը 300 հազարը հատել է, ընդհանուր պատվաստումները՝ 954 հազարը։