ՊԵԿ նախագահ Ռուստամ Բադասյանն այսօր հյուրընկալել է ՀՀ-ում ԱՄՆ նորանշանակ արտակարգ և լիազոր դեսպան Քրիստինա Քվինին:
«Շնորհավորելով դեսպանին նշանակման կապակցությամբ՝ հույս եմ հայտնել, որ կողմերի միջև ձևավորած արդյունավետ փոխհամագործակցությունն ավելի կընդլայնվի և շարունակական բնույթ կկրի։
Հանդիպման ընթացքում ներկայացրել եմ հարկային և մաքսային ոլորտներում ՀՀ կառավարության որդեգրած ուղենիշները, ՀՀ պետական եկամուտների կոմիտեի հիմնական առաքելությունը և առաջնահերթությունները, ինչպես նաև ամերիկյան գործընկերների հետ սերտ համագործակցությունն ու այդ շրջանակում առկա ծրագրերի լայն օրակարգը։
Դեսպան Քրիստինա Քվինը, ի թիվս այլ առաջնահերթությունների, հատկապես կարևորել է թմրամիջոցների ապօրինի շրջանառության դեմ պայքարի գործում ամերիկյան կողմի հանձնառությունը և հայկական կողմի հետ համագործակցությունը։
Երկուստեք բարձր ենք գնահատել ԱՄՆ դեսպանության և Պետական եկամուտների կոմիտեի արդյունավետ աշխատանքային հարաբերությունները և համատեղ ջանքերը` միտված հայ-ամերիկյան երկկողմ հարաբերությունների ամրապնդմանն ու խորացմանը»,- գրել է ՊԵԿ նախագահը Ֆեյսբուքի իր էջում:
ՊԵԿ նախագահը և ԱՄՆ դեսպանը քննարկել են հարկային և մաքսային ոլորտներում փոխգործակցության հարցեր
