ՌԴ նախագահ Վլադիմիր Պուտինը Ադրբեջանում արտակարգ և լիազոր դեսպանի պաշտոնում նշանակել է Միխայիլ Եվդոկիմովին: Ինչպես հաղորդում է «Արմենպրես»-ը, համապատասխան հրամանագրերը հրապարակվել են իրավական տեղեկատվության հարթակում։
«Միխայիլ Նիկոլաևի Եվդոկիմովին նշանակել Ադրբեջանում Ռուսաստանի Դաշնության արտակարգ և լիազոր դեսպան… Միխայիլ Նիկոլաևիչ Բոչարնիկովին ազատել Ադրբեջանում Ռուսաստանի Դաշնության արտակարգ և լիազոր դեսպանի պարտականություններից», – նշված է հրամանագրերում:
Եվդոկիմովը ծնվել է 1959 թվականին, ՌԴ ԱԳՆ-ում աշխատում է 1981 թվականից։ Նրան շնորհվել է 2-րդ կարգի արտակարգ և լիազոր դեսպանորդի կոչում։ 2011 թվականից նախարարությունում զբաղեցնում է ԱՊՀ երկրների առաջին վարչության տնօրենի պաշտոնը:
