ԱՄՆ պետքարտուղար Էնթոնի Բլինկենն իր բնորոշ տգեղ ձևով է խոսել Ղազախստանում տեղի ունեցող իրադարձությունների մասին: ՌԴ ԱԳՆ-ն հայտարարությունը մեջբերել է ՏԱՍՍ գործակալությունը:
Նախարարությունն անդրադարձել է Բլինկենի հայտարարությանը Ղազախստանում տիրող իրավիճակի և ՀԱՊԿ խաղաղապահ ուժերը հանրապետություն մտցնելու մասին: ԱՄՆ պետքարտուղարը մասնավորապես ասել էր, որ «երբ ռուսները քո տանն են, կարող է դժվար լինել նրանց ստիպել հեռանալ»։
«ԱՄՆ պետքարտուղար Էնթոնի Բլինկենը կատակել է Ղազախստանի ողբերգական իրադարձությունների մասին իրեն բնորոշ տգեղ ձևով»,- ասվում է ՌԴ ԱԳՆ Telegram ալիքում։
Ռուսաստանի դիվանագիտական գերատեսչությունը նաեւ ընդգծել է, որ ՀԱՊԿ-ի արձագանքը Ղազախստանի իրադարձություններին «բացարձակապես օրինական է», ինչի մասին ծանուցվել է ՄԱԿ-ի Անվտանգության խորհուրդը։ Նախարարությունը նաև քննադատել է ԱՄՆ պետքարտուղարի հայտարարության պատմական ենթատեքստերը:
«Այս մասին շատ բան կպատմեն հյուսիսամերիկյան մայրցամաքի հնդկացիները, կորեացիները, վիետնամցիները, իրաքցիները, պանամացիները, հարավսլավացիները, լիբիացիները, սիրիացիները և շատ այլ դժբախտ մարդիկ, ովքեր բախտ չեն ունեցել տեսնելու այդ անկոչ հյուրերին իրենց տանը», – նշել են Ռուսաստանի արտաքին գործերի նախարարությունում: