ՀՀ Շրջակա միջավայրի նախարար Հակոբ Սիմիդյանը տեղեկացրել է, որ Սևանա լճի պաշարները հաշվարկվում են: Նպատակն այն է, որ ձկնատեսակների պաշարների հաշվարկի արդյունքում սահմանվի քվոտա, որպեսզի ձկնորսությունը բերվի օրինական դաշտ:
Նախարարը մանրամասնել է, որ առաջիկայում Չեխիայից մասնագետներ կժամանեն ՀՀ. «Սպասում ենք առաջիկայում Չեխիայից մեր գործընկերների այցին, որոնք, ըստ էության, իրենց գործիքներով կգան և ևս հաշվառում կանեն Սևանա լճում ձկան և խեցգետնի պաշարների»,- ասել է նա՝ հավելելով, որ սա արվում է այլընտրանքային մի հաշվարկ ունենալու համար:
«Հուսամ նաև՝ այս հաշվառումների արդյունքում կիմանանք դինամիկան ձկան պաշարների վերականգնման իմաստով, և հուսանք նաև՝ քվոտաների տրամադրման գործընթացը կհասցնենք նրան, որ ձկնորսությունն ամբողջությամբ կհայտնվի օրինականության շրջանակում»,- ասել է Սիմիդյանը:
