Խորվաթիայի մայրաքաղաք Զագրեբում ընթացող ազատ ոճի ըմբշամարտի Եվրոպայի առաջնությունում 65 կգ քաշային կարգում Հայաստանի ներկայացուցիչ Վազգեն Թևանյանը 12-1 հաշվով հաղթել է բուլղարացի մրցակցին և նվաճել ոսկե մեդալ։
Հիշեցնենք, որ հայ ըմբիշը պայքարն սկսել էր 1/8 եզրափակչից՝ 10-0 հաշվով պարտության մատնելով Իսրայելը ներկայացնող Ջոշուա Սթյուարտին: Քառորդ եզրափակիչում 4-1 հաշվով պարտության էր մատնել ադրբեջանցի Ալի Ռահիմեադային, իսկ կիսաեզրափակչում 12-4 հաշվով հաղթել էր Ուկրաինան ներկայացնող հայ ըմբիշ Էրիկ Առուշանյանին:
