Լրագրողների հետ ճեպազրույցի ժամանակ էկոնոմիկայի նախարար Վահան Քերոբյանն անդրադարձել է պարարտանյութի, սերմնացուի եւ դիզվառելիքի թանկացման խնդրին՝ նշելով, որ բանակցում են մի շարք երկրների արտադրողների հետ, որպեսզի հասկանան, թե ինչ ձևով են օժանդակելու գյուղացիական տնտեսություններին։
«Այս պահին մենք ինտենսիվ բանակցում ենք մի շարք երկրների արտադրողների հետ, որպեսզի հասկանանք, թե ինչ ձևով ենք օժանդակելու գյուղացիական տնտեսություններին այս բոլոր խնդիրները լուծելու համար։ Մեր 3-15 մլն դրամանոց վարկերի սուբսիդավորման իմաստը հենց դա է՝ օգնել գյուղացիներին հնարավորինս էժան իրականացնել իրենց գյուղատնտեսական աշխատանքները։ Սակայն հասկանում ենք, որ այս պահին միգուցե դա բավարար գործիք չէ։ Եվ լուծումներ ենք ման գալիս, որոնք շատ չեն ուշանա։ Հիմա մենք բանակցում ենք թե մեր ռուս, թե իրանցի, թե Կատարից գործընկերների հետ, որպեսզի կարողանանք պարարտանյութը հնարավորինս էժան ձեռք բերել և ունենալ խելամիտ գին գյուղացիների համար»,- ասաց Քերոբյանը։