ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի, Տնտեսական հարցերի մշտական հանձնաժողովի անդամ Հովիկ Աղազարյանի, Պետական-իրավական հարցերի մշտական հանձնաժողովի անդամ Արթուր Դավթյանի ու Տարածաշրջանային և եվրասիական ինտեգրման հարցերի մշտական հանձնաժողովի անդամ Ալեքսեյ Սանդիկովի հետ մասնակցել ենք ՀԱՊԿ խորհրդարանական վեհաժողովի մշտական հանձնաժողովների համատեղ առցանց նիստին:
Նիստի ընթացքում քննարկվել և մասնակից երկրների խորհրդարանների ներկայացուցիչների հավանությանն են արժանացել օրենսդրական և այլ նախագծեր՝ տեղեկատվական անվտանգության, խաղաղապահ առաքելության, արտակարգ իրավիճակների և մի շարք այլ ուղղություներով։
Գործընկերներին է ներկայացվել նոյեմբերի 16-ի ադրբեջանական ագրեսիայի վերաբերյալ հայկական կողմի հայտարարությունը:
Կոչ ենք արել գործընկերներին քայլեր ձեռնարկել՝ ՀՀ տարածքից ադրբեջանական զինված ուժերի անվերապահ և ամբողջական դուրսբերման, ինչպես նաև նոյեմբերի 9-ի եռակողմ հայտարարության դրույթների ամբողջական իրագործման ուղղությամբ: