Ղազախստանի նախագահ Կասիմ-Ժոմարտ Տոկաևը հայտարարել է, որ ահաբեկիչների ուղղությամբ առանց զգուշացման կրակ բացելու մասին հրաման է արձակել: Այս մասին Ղազախստանի նախագահը նշել է բնակիչներին ուղղված իր ուղերձում:
Երկրի ղեկավարի խոսքով՝ ավազակային խմբերը շարունակում են վնասել հանրապետության ունեցվածքը և զենք կիրառել քաղաքացիների դեմ։
Ավելի վաղ հայտնի էր դարձել, որ Ալմաթիի Հանրապետության հրապարակում հրաձգությունը չի դադարում: ՏԱՍՍ-ը հաղորդել էր, որ կան զոհեր: Քաղաքի մյուս վայրերում հարաբերականորեն հանգիստ Է. կրակոցներ լսվում են ժամանակ առ ժամանակ:
ՏԱՍՍ-ը նաեւ հաղորդել է, որ խաղաղապահները Ղազախստանի իրավապահ մարմինների հետ հսկողության տակ են վերցրել Ալմաթիի օդանավակայանը:
