Ճապոնիայի մայրաքաղաք Տոկիում անցկացվող 32-րդ ամառային օլիմպիական խաղերում այսօր պայքարի մեջ մտան Հայաստանի հունահռոմեական ոճի ըմբշամարտի հավաքականի երկու ներկայացուցիչ Օլիմպիական խաղերի չեմպիոն Արթուր Ալեքսանյանը և Կարապետ Չալյանը:
77 կգ քաշային Կարապետ Չալյանն, ով ուժերը չափեց Ուզբեկստանից Յալգասբայ Բերդիմուրատովի հետ: Հայ ըմբիշը հաղթեց 5:0 հաշվով: Չալյանը հաղթեց նաեւ քառորդ եզրափակիչում եւ դուրս եկավ կիսաեզրափակիչ։
Օլիմպիական խաղերի չեմպիոն 97 կգ քաշային Արթուր Ալեքսանյանը գոտեմարտեց Ղրղզստանից Ուզուր Ջուզուպբեկովի հետ և հաղթեց 4։1 հաշվով:
Քառորդ եզրափակիչում Արթուր Ալեքսանյանը մրցեց Ֆինլանդիան ներկայացնող Արվի Սավոլաինենի հետ եւ հաղթեց 5։1 հաշվով եւ դուրս եկավ կիսաեզրափակիչ։
