Արտաշատ համայնքում այսօր հարգանքի տուրք մատուցվեց Հայոց ցեղասպանության զոհերի հիշատակին:
Արտաշատի համայնքապետրանի մերձակա հրապարակից մեկնարկեց քայլերթ, որին մասնակցում էին Արարատի մարզպետ Սեդրակ Թևոնյանը, Արտաշատի համայնքապետ Կառլեն Մկրտչյանը, Ֆրանսիայի Քլամար քաղաքից ժամանած պատվիրակությունը փոխքաղաքապետ Ժաքլին Մինասյանի ղեկավարությամբ, ավագանու անդամներ, ուժային կառույցների, հիմնարկ-ձեռնարկությունների ղեկավարներ, քաղաքացիներ։
Արտաշատի Սուրբ Հովհաննես Ավետարանիչ եկեղեցում բարեխոսական կարգ կատարվեց Եղեռնի սրբադասված նահատակների հոգիների համար: Այնուհետև ներկաները եկեղեցու բակում տեղադրված խաչքար-հուշակոթողին ծաղկեպսակներ և ծաղիկներ դրեցին ու իրենց խոնարհումն արտահայտեցին Մեծ եղեռնի զոհերի անմար հիշատակին:
Քլամարի պատվիրակությունը դիտել է նաև գեղանկարների և ձեռքի աշխատանքների թեմատիկ ցուցահանդեսը, այնուհետև ի նշան Եղեռնի զոհերի հիշատակի պարոն Մկրտչյանը, Քլամարի փոխքաղաքապետ Ժաքլին Մինասյանը և պատվիրակության անդամները ծառատունկ են կատարել Քլամարի անվան պուրակում։
Հեղինակ՝ Գեղեցիկ Բալեյան
