Արցախից բռնի տեղահանվել է 100 514 մարդ: Մարդու իրավունքների պաշտպան Գեղամ Ստեփանյանի փոխանցմամբ՝ 15 ուղևորներով վերջին ավտոբուսը հասել է Գորիս.
«Նվիրյալ մարդկանց մի փոքրիկ թիմ հարյուրավոր ահազանգերի հետևից գնացել է հասցե առ հասցե, դուռ առ դուռ՝ անօգնական մարդկանց տարհանելու համար։
Եթե Արցախում մնացած միայնակ կամ անօգնական մարդկանց մասին դեռևս ունեք հստակ տեղեկություն, պետք է դիմել Կարմիր խաչի միջազգային կոմիտե, կամ էլ տրամադրել տեղեկությունները մեզ ԿԽՄԿ փոխանցելու համար», – հայտնել է Գեղամ Ստեփանյանը։
