Ադրբեջանը թարմացրել է սեպտեմբերի 19-ին Արցախի դեմ սեփական ագրեսիայի հետևանքով կորուստների թիվը։ Ադրբեջանի ՊՆ հայտնում է, որ պարզվել է ևս 6 զոհված զինծառայողի ինքնություն։ Մահացած զինծառայողների պաշտոնական ցուցակում այժմ առկա է 186 անուն։ Բացի այդ՝ ՆԳՆ-ից էլ 12 զինվորական է զոհվել։ Այսպիսով ընդհանուր զոհվել է 198 զինծառայող։
Ըստ պաշտոնական տվյալների՝ վիրավորվել է 511 զինվորական ու քաղաքացիական անձ, մեկ քաղաքացիական անձ էլ զոհվել է։ Նշենք, որ ադրբեջանական ընդդիմադիր Meydan TV-ն նույնականացրել է 199 զոհված զինծառայողի անուն։
