«Տիկնայք և պարոնայք, ձեզ սպասվում է աննկարագրելի գարնանային գժական համերգ». այս խոսքերով մեկնարկեց Hayat project-ի առաջին երեւանյան մենահամերգը «Արամ Խաչատրյան» համերգասրահում:
Hayat project-ի ռիթմիկ և պարային տրամադրությամբ երգերի առաջին հնչյունները հանդիսատեսին տեղափոխեցին Գյումրու կոլորիտային մթնոլորտ: Համերգի առաջին հատվածում կենդանի հնչողությամբ կատարեցին «Զիզի-բիզի», «Հարսանիք», «Եսքեզի համար խելագարվիմգը», «Հայաթում» հեղինակային երգերը, որոնք կարճ ժամանակահատվածում համացանցի հիթ են դարձել:
Երկրորդ հատվածում երգեցին նաև պոպուրիներ արտասահմանյան և ռուսականռետրո երգերից, որոնք ներկայացնում են ժամանակակից գործիքավորմամբ: Շուրջ 2ժամ տեւողությամբ համերգի ընթացքում հանդիսականներն ակտիվ ձայնակցում ու պարում էին:
Hayat project-ը հիմնվել է շուրջ 3 տարի առաջ, բոլոր անդամները գյումրեցի են: Տեսահոլովակները նկարահանվում են Գյումրիի տեսարժան վայրերում,տեսահոլովակների հերոսներն էլ Գյումրիի դրամատիկական թատրոնի և տիկնիկային թատրոնի դերասաններն են, իսկ հեղինակային երգերի հեղինակը գյումրեցիպրոդյուսեր Ռուբեն Մխիթարյանն է:
Բենդի կազմում են՝ ստեղնաշարային գործիքներ՝ Արթուր Եղիազարյան, սոլո-կիթառ՝Արմեն Հովհաննիսյան, հարվածային գործիքներ՝ Արմեն Թադեւոսյան, բաս-կիթառ՝Մհեր Մարտիկյան, փողային գործիքներ եւ վոկալ՝ Գեւորգ Հակոբյան, մեներգչուհի՝Նարե Հովհաննիսյան և մեներգիչ՝ Հովհաննես Սերոբյան:
Բենդի տեսահոլովակները բազմաթիվ դիտումներ ունեն համացանցում, ինչի շնորհիվնրանք դարձել են կորպորատիվ երեկոների պահանջված երաժշտական խմբերիցմեկը:
Ինչպես նշում են երաժիշտները, «Hayat project-ը մաքուր լեննականյան բենդ է ևարդեն հասցրել է դառնալ Գյումրու այցեքարտը: Շուտով հանդիսատեսին կներկայանան նոր երգերով ու տեսահոլովակներով:
Հեղինակ՝ Ալինա Ստեփանյան
