«ՀՀ սահմանապահ զորքերը նամակով դիմել են ՀՀ-ում ՌԴ սահմանապահ զորքերին, շնորհակալություն են հայտնել ՀՀ անկախությունից ի վեր Զվարթնոց օդանավակայանում ծառայություն իրականացնելու և անվտանգությունն ապահովելու, սահմանային հսկողություն իրականացնելու հարցում ցուցաբերած աջակցության և մատուցված ծառայության համար». հայտնել է ՀՀ վարչապետ Նիկոլ Փաշինյանը։
Ըստ նրա, ՌԴ սահմանապահ զորքերին ուղարկված նամակում նաև տեղեկացվել է, որ քանի որ մեր երկրում պետական ինստիտուտները զարգանում են, այս ողջ ընթացքում՝ նաև ՌԴ գործընկերների աջակցությամբ, ՀՀ սահմանապահ ծառայությունը, մասնավորապես, Զվարթնոց օդանավակայանում, արդեն իսկ բավարար փորձ, հմտություն և հնարավորություններ է ձեռք բերել, որպեսզի օդանավակայանում սահմանապահ հսկողությունն իրականացնի առանց ռուսական կողմի աջակցության․ «Սա է նամակի բովանդակությունը»․ պարզաբանել է վարչապետը։
