ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը հերթական անգամ խոսում է սփյուռքի հայերի անունից, թեև ընտրված չէ և մանդատ չունի։ Փափազյանի հարցազրույցին արձագանքել է Ֆրանսիայի հայկական շարժման գլխավոր քարտուղար Րաֆֆի Փափազյանը։
«168.am-ին տված իր վերջին հարցազրույցում Մուրադ Փափազյանը նշել է որ անհրաժեշտ է ժամ առաջ Փաշինյանը ներկայացնի իր հրաժարականը։ Նա նույնիսկ մանրամասնել է, որ կապի մեջ է եղել Ֆրանսիայի հանրապետության նախագահ Էմանուել Մակրոնի հետ։ Սակայն Ֆրանսիայի նախագահը պարբերաբար շփվում է վարչապետ Նիկոլ Փաշինյանի հետ և երբեք հրաժարականի կոչ չի անում, ընդհակառակը։
Մուրադ Փափազյանն այլեւս չի կարող ոտք դնել Հայաստան, նրա աջակցությունը ռուսամետ ընդդիմադիր խմբին հակասում է Ֆրանսիայի քաղաքականությանը.
Մուրադ Փափազյանը պետք է հրաժարական տա, նրա դերը երբեք չի եղել հայկական գործերին խառնվելը, դա նույնիսկ անհանգստացնում է Ֆրանսիայի կառավարությանը։
Մեկ ամսից էլ չանցած իր ասոցիացիայի մեջ ընտրություն պետք է տեղի ունենա, նա հույս ունի մնալ, եթե Հայաստանի իշխանությունը տապալվի.
Սա հայրենասիրություն չէ, նա անձնական քաղաքականություն է վարում աթոռը պահպանելու համար, բայց սփյուռքն այլեւս չի աջակցում նրան։ Շուտով Բրյուսելում կտեսնեք ցածր մասնակցությունը։
Եվրոպայի 2,5 միլիոն հայերից քանիսը կհետևեն նրա ցույցին, որի նպատակն է բացառապես խափանել հոկտեմբերի 5-ին Իսպանիայում կայանալիք Եվրոպայի հովանու ներքո բանակցությունները։
Ինչպես ռուս քարոզիչները, ինչպիսիք են Մարգարիտա Սիմոնյանը կամ Միկա Բադալյանը, Մուրադ Փափազյանը նույնպես ղեկավարում է Կրեմլի հետ համահունչ քարոզչությունը:»,- նշել է Ֆրանսիայի հայկական շարժման գլխավոր քարտուղար Րաֆֆի Փափազյանը։
Հիշեցնենք, որ 2023 թ. հուլիսի 13-ին դաշնակցական Մուրադ Փափազյանի մուտքը Հայաստան արգելվել է, նա ներառվել է ՀՀ համար անցանկալի անձանց ցանկում։