Վառելիքի պահեստում տեղի ունեցած պայթյունի հետևանքով վիրավորների թիվն անցնում է 200-ը։
Մեծամասնության առողջական վիճակը ծանր է կամ ծայրահեղ ծանր։ Այս մասին նշված է Արցախի ՄԻՊ Գեղամ Ստեփանյանի հերթական գրառման մեջ։
«Արցախի (Լեռնային Ղարաբաղի) բժշկական հնարավորությունները բավարար չեն մարդկանց կյանքը փրկելու համար։
Սանիտարական ավիացիան պետք է շատ շտապ վայրէջք կատարի՝ մարդկանց կյանքեր փրկելու համար։ Շատ շտապ, առանց հապաղելու»,- գրել է Արցախի ՄԻՊ-ը։
Հիշեցնենք, որ ժամեր առաջ Ստեփանակերտ-Ասկերան ավտոճանապարհի հարակից տարածքում`բենզինի պահեստում, ուժեղ պայթյուն է տեղի ունեցել։ Հաղորդվում է, որ կան բազմաթիվ զոհեր և վիրավորներ։
