Երևանում այսօր տեղի է ունեցել ՀՅԴ բյուրոյի անդամ, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանն ընդդեմ Հայաստանի գործով առաջին նախնական նիստը։
Հիշեցնենք, որ 2023 թ. հուլիսի 13-ին Փափազյանի մուտքը Հայաստան արգելվել է, նա ներառվել է ՀՀ համար անցանակալի անձանց ցանկում։ Նախնական դատական նիստի ժամանակ դատավորը հայտարարեց, որ հաջորդ դատական նիստին ամեն ինչ կանեն, որպեսզի ապահովեն Մուրադ Փափազյանի ներկայությունը տեսակապի միջոցով։
Փափազյանի փաստաբան Սիրանուշ Սահակյանը նշել է, որ իրենք չեն սահմանափակվելու ՀՀ ազգային դատարաններով և այս խնդիրները բարձրաձայնելու են նաև ՄԻԵԴ–ում։
Այս գործին անդրադարձել է նաև Ֆրանսիայի հայկական շարժման գլխավոր քարտուղար Րաֆֆի Փափազյանը նա մաանավորապես նշել է.
«Մուրադ Փափազյանը մնում է պատժված. գործը հետաձգվում է ավելի ուշ։ Նա երբեք չի կարող խոսել ժողովրդավարության մասին, քանի որ ինքն ու իր զարմիկը ստեղծել են բրգաձեւ սխեման՝ Ֆրանսիայում հայերի ճանապարհը մենաշնորհելու համար։ Նրանք ոչ ոքի կողմից ընտրված չեն և միայն իրենց են ներկայացնում։ Նա կդառնա՞ աշխարհում միակ հայը, ով դատի կտա Հայաստանին Ադրբեջանի ծափերի ներքո։ Մինչդեռ իմացեք, որ Ֆրանսիայում նա չի ներկայացնում ժողովրդավարական Հայաստանի շահերը», – «Ֆեյսբուքում» գրել է Րաֆֆի Փափազյանը։
