Ամերիկայի միացյալ նահագների պետքարտուղար Էնթոնի Բլինքենը հայտարարել է, որ Միացյալ Նահանգները շարունակելու է դիտարկել Ադրբեջանին տարբեր տեսակի, այդ թվում ՝ ռազմական օգնություն տրամադրելու նպատակահարմարության հարցը՝ ղարաբաղյան հակամարտության գոտում պահպանվող լարվածության ֆոնին։
Ադրբեջանին ռազմական օգնության մասին հարցը բարձրացվել է ԱՄՆ Սենատի արտաքին հարաբերությունների հանձնաժողովում, որին մասնակցել է նաև երկրի արտաքին գործերի նախարարության ղեկավարը:
Դեմոկրատ սենատոր Ռոբերտ Մենենդեսը հայտարարել է, որ հիասթափված է ԱՄՆ վարչակազմի որոշումից, որով նախատեսվում է, բացառության կարգով, շարունակել օգնության տրամադրումը Ադրբեջանի կառավարությանը, ներառյալ ռազմական օգնությունը: ԱՄՆ մարմինն այս որոշման մասին հայտարարել էր մայիսին:
«Մենք կշարունակենք այդ հարցը քննարկել»,- հայտարարել է Բլինքենը:
«Ես ակտիվ աշխատել եմ այդ ուղղությամբ: Հատկապես գերիների վերադարձի, Լեռնային Ղարաբաղի հակամարտության կարգավորմանն ուղղված բանակցությունների հարցում փոխհամաձայնության վրա»,- նշել է ԱՄՆ պետքարտուղարը։
