«Անվտանգության խորհրդի նիստում քննարկումների արդյունքներով որոշում ենք կայացրել դիմել ՀԱՊԿ-ին, և այդ դիմումի կապակցությամբ այժմ տեղի է ունենում ՀԱՊԿ մշտական խորհրդի նիստ»,- ԱԺ նիստում հայտարարեց վարչապետ Նիկոլ Փաշինյանը՝ անդրադառնալով Ադրբեջանի հարձակմանը։
«Դիմել ենք նաև Ռուսաստանի Դաշնությանը՝ 1997 թվականի բարեկամության, փոխօգնության մասին պայմանագրի հիման վրա։ Եվ որոշում ենք կայացրել դիմել ՄԱԿ-ի անվտանգության խորհրդին, որպեսզի իրավիճակը հրատապության կարգով քննարկվի»,- նշեց վարչապետը։
Ըստ Փաշինյանի՝ աշխատանք է տարվում իրավիճակը հնարավորինս արագ կայունացնելու ուղղությամբ։
