Եվրոպան պատվաստումների պատճառով բախվել է «համաշխարհային նոր տիպի պատերազմի», հայտարարել է Ֆրանսիայի նախագահ Էմանուել Մակրոնը ԵՄ առցանց գագաթնաժողովի առաջին օրվան հաջորդած ասուլիսում:
«Դա տեղի է ունեցել պատվաստանյութերի միջոցով ազդեցություն թողնելու Ռուսաստանի ու Չինաստանի ցանկության պատճառով: Ստեղծված իրավիճակում Եվրոպան պետք է անկախ լինի նման դեղամիջոցների արտադրության հարցում »,- ասել է Մակրոնը:
Ֆրանսիայի նախագահը տեղեկացրել է, որ առաջիկա ամիսներին Եվրոպան կավելացնի կորոնավիրուսային պատվաստանյութերի արտադրությունը և կդառնա պատվաստանյութերի խոշորագույն արտադրողը: Նա նաև առաջարկել է արգելափակել պատվաստանյութերի արտահանումը, եթե արտադրողը Եվրոպա մատակարարելու հարցում իր պարտավորությունները չի կատարում՝ հավելելով, որ Pfizer-ն ու Moderna-ն, ի տարբերություն AstraZeneca-ի, հավատարիմ են իրենց պարտավորություններին:
