Հանրային ծառայությունները կարգավորող հանձնաժողովի այսօրվա նիստում որոշում կայացվեց սպառողների համար բարձրացնել էլեկտրաէներգիայի սակագինը։
էլեկտրաէներգիայի միջին կշռված սակագինը կավելանա 4.7 դրամ/կՎտժ-ով (ներառյալ ԱԱՀ-ն):
Սոցիալապես անապահովների համար (կազմում են բնակիչ-բաժանորդների 11%-ը) սակագինը կմնա անփոփոխ: Ցերեկային և գիշերային սակագները կշարունակեն մնալ համապատասխանաբար 29.99 դրամ և 19.99 դրամ
Ամսական մինչև 200 կՎտժ սպառում ունեցող բնակիչների (կազմում են բնակիչ-բաժանորդների 55%-ը) համար սակագինը կավելանա 1.5 դրամ/կՎտժ-ով: Ցերեկային սակագինը գործող 44.98 դրամի փոխարեն կդառնա 46.48 դրամ, գիշերայինը՝ 34.98 դրամի փոխարեն՝ 36.48 դրամ:
Ամսական 201-400 կՎտժ սպառում ունեցող բնակիչների (կազմում են բնակիչ-բաժանորդների 25%-ը) համար սակագինը կավելանա 3.5 դրամ/կՎտժ-ով: Ցերեկային սակագինը գործող 44.98 դրամի փոխարեն կդառնա 48.48 դրամ, գիշերային սակագինը գործող 34.98 դրամի փոխարեն՝ 38.48 դրամ:
Իսկ 400 կՎտժ –ից ավելի սպառում ունեցողների համար սակագներն ավելացնել են 5.5 դրամ/կՎտժ-ով: Ցերեկային սակագինը գործող 47.98 դրամի փոխարեն կդառնա 53.48 դրամ, գիշերային սակագինը՝ գործող 37.98 դրամի փոխարեն՝ 43.48 դրամ:
