Գորիսի փոխքաղաքապետ Մենուա Հովսեփյանը ֆեյսբուքի իր էջում գրել է, որ թուրքը Սև լճի տարածքում առաջ է եկել։
«Ինչպես և կանխատեսում էինք մեր` Հայերիս թշնամին` թուրքը Սև լճի տարածքում առաջ է եկել և փորձ է կատարում տեղակայվելու, ի դեպ ասեմ Սև լճի մեծ մասը մեզ է պատկանում նույնիսկ ալիևանիկոլական քարտեզներով։
Սև լճի տարածքում գտնվող արհեստական ջրամբարից է իրականացվում համայնքի ոռոգման ջրի ջրամատակարարումը, ի դեպ ջրամբարի պլատինան հենց նույն քարտեզներով անցել է թուրքին:Փոխարեն ԱԺ ամբիոնից ամպագոռգոռ և սուտ հայտարարություններ տարածելուն լավ կլիներ ամիսներ շարունակ մեր կողմից բարձրացվող խնդիրներին ականջ դնեիք, ամոթի զգացում ունեցեք…»,-գրել է Մենուա Հովսեփյանը։
Հիշեցնենք, որ ՀՀ ՊՆ-ն հերքել էր Սյունիքում ընթացող մարտերի մասին լուրերը։