Թուրքիայի և Ֆրանսիայի նախագահներ Ռեջեփ Թայիփ Էրդողանը և Էմանուել Մակրոնը շաբաթ օրը հեռախոսով քննարկել են SAMP-T հակաօդային պաշտպանության համակարգերի համատեղ արտադրության նախագծի իրականացումը։ Այս մասին ասվում է Twitter-ում Թուրքիայի ղեկավարի վարչակազմի էջում տեղադրված հաղորդագրության մեջ։
«Նախագահ Էրդողանը կոչ է արել իրագործել նախագիծը լիակատար բացության սկզբունքի հիման վրա»,- ասվում է տեքստում։
Թուրքական իշխանությունները ավելի վաղ հայտնել էին, որ ակնկալում են մոտ ապագայում համակարգի արտադրության վերաբերյալ համաձայնագիր ստորագրել Իտալիայի և Ֆրանսիայի հետ։ Չի բացառվում նախագիծը Թուրքիայում իրականացնելու հնարավորությունը։
