Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի նպատակը Ուկրաինայում շուտափույթ հրադադարի հասնելն է։ Աստանայում Ասիայում փոխգործակցության և վստահության միջոցների շուրջ խորհրդակցության ժամանակ Էրդողանը ընդգծել է Անկարայի կողմից ուկրաինական նավահանգիստներից հացահատիկի արտահանման և Մոսկվայի ու Կիևի միջև ռազմագերիների փոխանակման համաձայնության հասնելու փաստը:
«Մեր նպատակն է պահպանել ձեռք բերված տեմպը՝ չնայած տեղերում առկա դժվարություններին, և, որքան հնարավոր է շուտ, հասնել հրադադարի ու դադարեցնել արյունահեղությունը»,- ասել է Էրդողանը: