Իսրայելի ուղղությամբ՝ հակամարտության սրման սկզբից ի վեր, Գազայի հատվածից արձակվել է մոտ 4070 հրթիռ: Դրանցից 610-ն ընկել են անկլավի ներսում, փոխանցում է ՌԻԱ Նովոստին հղում անելով իսրայելական բանակի մամուլի ծառայությանը:
«Երկաթե գմբեթ» հակահրթիռային պաշտպանության համակարգը որսացել է արկերի շուրջ 90%-ը:
Իսրայել-պաղեստինյան հակամարտությունը սրվել է մայիսի սկզբին: Այժմ ռազմական գործողություններ են ընթանում ՀԱՄԱՍ շարժման և հրեական պետության միջև: