ՌԴ ԱԳՆ կոլեգիայի ընդլայնված կազմով նիստի ժամանակ ՌԴ նախագահ Պուտինն անդրադարձել է հայ-ադրբեջանական հակամարտությանը։ Այս մասին փոխանցում է Կրեմլի պաշտոնական կայքը։
«Մեկ տարի առաջ Ռուսաստանի ակտիվ միջնորդական ջանքերի շնորհիվ Լեռնային Ղարաբաղում հակամարտությունը դադարեցվեց, սակայն հայ-ադրբեջանական սահմանին վերջին կրակոցները ցույց տվեցին, որ իրավիճակը այս տարածաշրջանում դեռ ամբողջությամբ չի հանդարտվել։ Կայունության ապահովման համար մեծ նշանակություն ունեն ռուսական խաղաղապահ զորախմբի ջանքերը՝ որպես հրադադարի և խաղաղ բնակչության անվտանգության երաշխավոր»,- հավելել է Պուտինը։
Պուտինը նաեւ կարեւոր է համարել ռուսական դիվանագիտության դերը՝ Ադրբեջանի և Հայաստանի միջև վեճերի լուծման, Անդրկովկասում տնտեսական կապերի վերականգնման և կենսական կարևոր տրանսպորտային միջանցքների ապաշրջափակման ուղղությամբ ջանքերը շարունակելու գործում։ը լուծելու հարցում։
«Փոխվարչապետերի մակարդակով ստեղծել ենք համապատասխան միջպետական հանձնաժողով, այն աշխատում է, և, իմ կարծիքով, այնտեղ վատ հեռանկարներ չեն։ Տարածաշրջանի բոլոր երկրները, այդ թվում՝ Ռուսաստանը, իսկապես շահագրգռված են այս խնդիրների կարգավորմամբ, երկարաժամկետ կարգավորմամբ»,- նշել է ՌԴ նախագահը։
