Իսպանիայի ֆուտբոլի թագավորական ֆեդերացիան «ֆուրիա ռոխայի» գլխավոր մարզիչ Լուիս Էնրիկեին հեռացրել է զբաղեցրած պաշտոնից։
«Մենք անկեղծորեն հաջողություն ենք մաղթում Լուիս Էնրիկեին և նրա անձնակազմին իրենց հետագա մասնագիտական նախագծերում: Այս մարզիչը վաստակել է ողջ ֆեդերացիայի սերն ու հիացմունքը»,- գրել է Իսպանիայի ֆուտբոլի ֆեդերացիայի մամուլի ծառայությունը։
Իսպանիայի հավաքականի գլխավոր մարզիչ է նշանակվել Լուիս դե լա Ֆուենտեն։ 61-ամյա մասնագետը գլխավորում էր Իսպանիայի երիտասարդական հավաքականը։
Հիշեցնենք, որ ԱԱ-2022-ում Իսպանիայի հավաքականը հասավ մինչև 1/8 եզրափակիչ և այդ փուլում պարտվեց Մարոկկոյի հավաքականին 11 մետրանոց հարվածաշարում։
