Հաջորդ շաբաթ նախատեսվում է անցկացնել Ռուսաստանի, Ադրբեջանի և Հայաստանի ղեկավարների եռակողմ հանդիպում, «Ինտերֆաքս»-ին հայտնել է ՌԴ նախագահի մամուլի քարտուղար Դմիտրի Պեսկովը։ Այն կանցկացվի տեսակոնֆերանսի ձևաչափով։
Ավելի վաղ «Ռոսիա-1» հեռուստաալիքը հայտնել էր, որ հաջորդ շաբաթ նախատեսված Ռուսաստանի նախագահ Վլադիմիր Պուտինի, Ադրբեջանի առաջնորդ Իլհամ Ալիևի և Հայաստանի վարչապետ Նիկոլ Փաշինյանի մասնակցությամբ միջոցառումները համընկնում են եռակողմ փաստաթղթի ստորագրման առաջին տարելիցի հետ։
«Ինտերֆաքս»-ի աղբյուրների փոխանցմամբ՝ տեսակոնֆերանսի ռեժիմով միջոցառումները նախատեսված են հաջորդ շաբաթվա սկզբին։
