Մոսկվայում ապրիլի 3-4-ը Թուրքիայի, Ռուսաստանի, Իրանի և Սիրիայի փոխարտգործնախարարների մակարդակով Սիրիայի հարցով քառակողմ հանդիպում կկայանա․ այս մասին հայտարարել է Թուրքիայի արտգործնախարար Մևլութ Չավուշօղլուն՝ Նյու Յորքի Թուրքական տանը լրագրողների հետ զրույցում։
Նա հիշեցրել է, որ Սիրիայի հարցով երկխոսությունը սկսվել է Ռուսաստանի աջակցությամբ և մասնակցությամբ, հետո գործընթացին միացավ Իրանը․ «Վերջերս Եգիպտոս կատարած այցի ժամանակ մենք հայտարարեցինք փոխնախարարների մակարդակով քառակողմ հանդիպման ժամկետի հետաձգման մասին։ Հանդիպման նոր ժամկետն արդեն համաձայնեցված է․ այն տեղի կունենա ապրիլի 3-4-ը՝ Մոսկվայում»,- ասել է Չավուշօղլուն։
