Մեծ Բրիտանիան պատժամիջոցներ է սահմանել Վլադիմիր Պուտինի և Ռուսաստանի արտգործնախարար Սերգեյ Լավրովի նկատմամբ՝ Ուկրաինայում ստեղծված իրավիճակի պատճառով:
Սահմանափակումները ենթադրում են ակտիվների սառեցում, սակայն փաստաթղթում նշված չէ, թե ինչ ակտիվների մասին է խոսքը և կան արդյոք դրանք։ Ավելի վաղ ՌԴ նախագահի խոսնակ Դմիտրի Պեսկովը հայտնել էր, որ պետության ղեկավարը գումարներ է պահում «Ռոսիա» բանկում, որն արդեն պատժամիջոցների տակ է։ Կրեմլի խոսնակը նշել է, որ սահմանափակող միջոցները ցավալի չեն Ռուսաստանի բարձրագույն ղեկավարության ոչ մի ներկայացուցչի համար:
Ի տարբերություն բրիտանական պատժամիջոցների ցուցակում հայտնված նախկին անձանց՝ Լավրովի և Պուտինի մուտքը երկիր չի արգելվել։
Մեկնաբանելով Մեծ Բրիտանիայի գործողությունները՝ ԱԳՆ խոսնակ Մարիա Զախարովան ընդգծել է, որ «ոչ Պուտինը, ոչ Լավրովը հաշիվներ չունեն ո՛չ Բրիտանիայում, ո՛չ էլ արտերկրում»։
